AVeLAIÑA é  un grupo folc pontevedrés que trata de unir letras e 

melodías de carácter tradicional con arranxos que resulten atractivos e 

actuais, engadindo tanto harmonías novas coma ritmos étnicos ou 

compases compostos, na procura de sonoridades novas e orixinais. No ano 

2001 autoedita un CD titulado "Proxecto AVeLAIÑA" no que xa se aprecian 

estas liñas de traballo.

Da formación que gravou dito CD permanecen Felipe (percusións) e Antón 

(guitarras, baixo e bouzuki). Actualmente completan o quinteto: María 

(teclados), Loli (acordeón e voz), e Roberto (gaitas, pito, asubío, 

pandeireta, zanfona e voz). Tódolos compoñentes posúen unha ampla 

experiencia no ámbito musical galego, participando en grupos como 

Champurrada, Liorna, Alén do Ar ou o Cuarteto Tradicional Os Alegres.

Aproveitan esta actuación para presentarvos os seus novos temas, que 

como no traballo anterior son todos de composición propia.

 Contactos:

Roberto - 986 86 10 62   correo-e robertoquin@terra.es

Antón   - 986 72 03 97   correo-e villanueva@wanadoo.es