Andecha Astur ve insuficiente la medida de colocar carteles toponímicos anque necesaria.
La organización política Andecha Astur nel conceyu de Corvera quier manifestar públicamente que la colocación de dalgunos de los carteles toponímicos que se van colocar en llingua asturiana correspuenden a un glayíu popular yá que salvo nos lletreros la mayor parte de los ciudadanos reconocíen los sos pueblos pola so denominación tradicional.
Ye un drechu innegable l´usu de la llingua asturiana nel conceyu . Estos nomes toponímicos son los que s´utilizaben nún entamu y foron “ sometíos “ por otros nomes en llingua castellana tres el réximen franquista. Ye más que merecíu esti cambiu, anque sentimos que tengan que pasar cuasi 30 años de democracia pa entamar a colocar una parte pequeño de la toponimia mayor del conceyu.
Nes próximes selmanes Andecha Astur remitirá al Ayuntamientu de Corvera nel rexistru una moción pa que se trate en sesión plenaria sobre unes nueves ordenanzes sobre la oficialidá de la llingua asturiana en Corvera . Estes ordenances que se van presentar foron aprobaes fai más de 4 años nel conceyu de Nava.
Tamién s´instará al equipu de gobiernu pa que modifique nel nomenclator municipal tola toponimia mayor y menor a la llingua asturiana , asina como l´aprebación de les citaes ordenances municipales pa que les personas qu´anguaño ven negáu´l so drechu a utilizar l´asturianu na Alministración Pública tengan los mesmos drechos que los castellano-falantes del conceyu.
La modificación de los carteles ye vista dende Andecha Astur como insuficiente polo dicho enantes, pero necesaria, anque el muérganu que debería asesorar en materia llingüistica debería ser l´Academia de la Llingua Asturiana ( ALLA ) y non una Oficina de Política Llingüistica qu´en cuatro años ye lo único notable que supo facer. Probe bagaxe pa toos estos años. |
