L'agrupación llocal d' Andecha Astur de Corvera somos un garrapiellu de xente del conceyo, qu'alrodiu de la crispación y la falta de polítiques pa con el pueblu corverán promovía poles anteriores corporaciones socialistas, y agora pola so escisión ( USPC ), en conxunto cola drecha estatal ( PP ), agüeyamos pernecesariu facer daqué pol conceyu.

La ufierta d' Andecha Astur nestí intre adautase perfechamente a los nuesos entamos, una organización abierta, asamblearia, d'izquierdes, pa coles polítiques sociales, y con un enfotu en trabayar por y pal@s corveran@s, primando los intereses del pueblu penrriba d'intereses partidistas y/o d'otru indole.

Porque dende Andecha Astur de Corvera creyemos qu'hai de gobernar pal pueblu, non pa intereses de constructores y promotores, exemplu nidiu tenemoslo nel pueblu de Truyés.

Creyemos n'otra forma de gobernar en Corvera, pa col@s ciudadan@s, na gueta de los sos porgüeyos, cola ñatura, col nueso padremuñu cultural, lluchando por una sociedá nos sesista, con politiques en sofitu de les clases desfavorecies, y con una mentalidá abierta y de dialogu.

Si esta ye la to gueta, andecha con nós, Andecha Astur ye la tuya.