PROPOSTA  DE COALICIÓN GALEGA POR UN PACTO DE GOBERNABILIDADE NO ESTADO

 

 

Introducción:

 

Coalición Galega preséntase ás presentes Eleccións a Cortes Xerais co convencemento de que o escenario político galego precisa dunha opción como a nosa para que a cidadanía galega poida transmitir as súas demandas actuais: un maior poder de decisión para Galicia en todos os ámbitos e unha etapa de diálogo e distensión na política estatal que poña fin á actual actitude de inmobilismo e autoritarismo do Goberno central do Partido Popular.

 

Coalición Galega presenta o seu programa político dende a fidelidade á súa condición de partido nacionalista galego, que ten como único obxectivo o garantir o benestar e os dereitos individuais e colectivos dos galegos, sen ningunha dependencia allea ós intereses de Galicia. Así mesmo, tamén cremos fundamental o concurso de todos os sectores sociais e económicos nesta gran tarefa que é construír Galicia e consideramos que este é tamén un dos nosos principios esenciais de acción política.

 

Coalición Galega estructura o seu programa en base a tres eidos principais: unha política institucional baseada no consenso e no pacto; unha política económica e de infraestructuras orientada ó crecemento económico e á creación de emprego e unha política social orientada a garantir o benestar de toda a poboación.

 

Política institucional:

 

Nesta lexislatura que rematou presenciamos un deterioro paulatino da situación política do Estado, creado pola actitude autoritaria, obstinada e prepotente do Goberno central. Situacións como a folga xeral de xuño de 2002, as protestas pola guerra de Iraq e o recrudecemento do conflicto vasco, en particular e coas autonomías en xeral, son exemplos dos resultados dunha política que despreza o diálogo e que considera toda actitude discrepante como un acto de traizón e deslealdade ó Estado. Esta actual posición dista moito da que houbo na lexislatura 1996-2000, onde a presencia decisiva dos partidos nacionalistas nas Cortes Xerais deu lugar a unha etapa de diálogo institucional fluído con fecundos resultados para todos.

 

Especialmente grave é a situación de bloqueo institucional existente hoxendía. O Partido Popular iniciou a pasada lexislatura baixo a premisa básica de que o modelo autonómico estaba xa pechado e que non cabía a posibilidade de transferir máis competencias ós gobernos autonómicos. Esta premisa foi cumprida dunha maneira tan firme que en algún caso tratouse de solapar competencias autonómicas, como o intento de impedir as pensións complementarias de gobernos autonómicos, ou situacións surrealistas, dende o aspecto legal e normativo, como o feito de presentar un recurso ó proxecto de Lei do chamado “Plan Ibarretxe” cando este nin sequera iniciara o seu debate parlamentario e, polo tanto, aínda non era unha lei anulable.

 

Coalición Galega propón a curto prazo unha serie de medidas destinadas a restablecer o equilibrio político, e a iniciar unha etapa máis dialogante:

 

-         Buscar vías efectivas de participación de Galicia nos Consellos de Ministros da Unión Europea.

-         Axeitar a Lei para que se eliminen todos os impedimentos ás Comunidades Autónomas para poderen correxir as asimetrías territoriais do actual sistema de pensións complementarias.

-         Derrogar aqueles artigos do Código Penal que son involucionistas no proceso autonómico, e impiden actuacións dos gobernos autonómicos respectuosos coa constitución.

 

Sen embargo, a situación de fondo é demasiado complexa como para se resolver simplemente con estas medidas. A Constitución Española, pero sobre todo o seu posterior desenvolvemento lexislativo, provoca unha serie de desequilibrios estructurais que impiden actuar ás Comunidades Autónomas en eidos tan diversos como o xudicial, o lingüístico ou  o financeiro, dunha maneira mais amplía que de o contrario poderíase conseguir unha administración mais eficaz. É por esa razón que Coalición Galega quere plantexar para a vindeira lexislatura un proceso de reforma constitucional sosegado, con presencia de todos os grupos parlamentares, que para nós ten os seguintes principios básicos:

 

 

-         Reforma do Tribunal Constitucional que dea dereito a nomear membros do mesmo por parte dos gobernos e parlamentos autonómicos das nacionalidades, aumentando o número de membros do mesmo, actualmente doce, a vinteún.

-         Reforma do Senado en tres vertentes:

 

o       Recoñecemento do dereito de veto limitado para toda a lexislación (orgánica, ordinaria ou de bases) que chegue ó Senado.

 

o       Establecer o dereito de veto para os representantes dos gobernos autonómicos das nacionalidades no caso da lexislación que chegue ó Senado; cada goberno autonómico terá dereito a un determinado número de escanos no Senado proporcional á poboación de cada Comunidade Autónoma.

 

-         Flexibilización dos procesos de reforma constitucional.

 

Política económica e de infraestructuras:

 

Política económica

 

Coalición Galega defende unha política económica na que Galicia e os galegos sexamos os protagonistas, e iso significa un maior poder de decisión naqueles eidos que nos afectan no noso día a día. Queremos aplicar políticas de crecemento económico enfocadas a acadar a plena ocupación cuns empregos de calidade; nese senso, daremos un especial pulo á economía de carácter productivo, as PEMES e os novos emprendedores que queren montar a súa propia empresa.

 

As políticas económicas do Goberno central, lonxe do triunfalismo oficial, teñen grandes eivas e furados negros: as políticas de vivenda do Goberno central e autonómico, continúan fomentando a suba dos inmobles, xa que desgravan nas compras pero non o fan nos alugueres; por outra parte, tivemos que asistir á suba dos chamados impostos indirectos para equilibrar as contas públicas a costa de penalizar as clases medias e baixas un esforzo fiscal encuberto cada vez maior.

 

Coalición Galega propón as seguintes medidas en política económica:

 

 

-         Camiñar cara á plena autonomía fiscal e impositiva de Galicia. Aumentar o tramo autonómico do IRPF ó 70%.

-         Aplicar rebaixas xeneralizadas do IRPF, con especial énfase nas rendas menos privilexiadas co obxectivo de estimular o consumo.

-         Non apoiar ningunha suba de impostos indirectos.

-         Avanzar no recoñecemento de dereitos laborais e sociais dos autónomos.

-         Apoiar rebaixas fiscais para aqueles emprendedores que decidan crear o seu propio negocio.

 

Política de infraestructuras:

 

Coalición Galega aposta por unha política de infraestructuras que poña a Galicia no século XXI. Consideramos primordiais as conexións do eixo atlántico con Portugal e co cantábrico, así como unha vertebración  total das comarcas do interior.

 

                        Autoestradas:

 

-         Supresión das peaxes na Autoestrada do Atlántico na súa totalidade a medio prazo, e de maneira inmediata nos seus tramos metropolitanos.

-         Inicio inmediato das obras na autoestrada transcantábrica en todos os tramos galegos. Remate das mesmas na lexislatura 2004-2008.

-         Finalización en 2008 das autoestradas Lugo-Ourense e Lugo-Santiago.

 

Camiños de ferro:

 

-         Creación dunha empresa pública galega de camiños de ferro, ó estilo de Euskotren e de Ferrocarrils de la Generalitat; para o cal reclamamos a transferencia á Xunta de Galicia das seguintes liñas:

 

                                                           Liña de cercanías FEVE Ferrol-Ortigueira

                                                           Liña rexional FEVE Ferrol-Ribadeo

Liña rexional  RENFE A Coruña-Santiago-Vigo

Liña rexional RENFE A Coruña-Lugo Monforte

                                                           Liña rexional RENFE A Coruña-Ferrol

                                                           Liña rexional RENFE Vigo-Ourense-Monforte

 

-         Propostas de Coalición Galega para o TAV (Tren de Alta Velocidade):

 

 

Remate no ano 2008 da conexión de TAV entre Vigo e a fronteira portuguesa.

Iniciación das obras do TAV Ferrol-Bilbao nos tramos galegos antes do ano 2008.

 

                        Portos:

 

-         Traspaso da xestión á Xunta de Galicia dos portos comerciais encadrados dentro da empresa estatal “Puertos del Estado”.

 

Aeroportos:

 

-         Traspaso da xestión á Xunta de Galicia dos tres aeroportos comerciais de Galicia e creación dun ente público galego que se encargue da súa xestión e que incida na complementariedade dos tres aérodromos, para aumentar a competitividade destes.

 

Política social:

 

Coalición Galega ten unha especial sensibilidade cara ás cuestións de índole social. A defensa do Estado do benestar é un punto irrenunciable do noso programa político. É por iso que, fronte ó reduccionismo orzamentario do Goberno e materia de benestar, educación, sanidade, nós defendemos un aumento do gasto social que permita garantir a plena cobertura do actual sistema de prestacións, ensino e sanidade públicas.

 

Aínda que somos conscientes de que a maioría de competencias en benestar social están transferidas ás autonomías, cremos que o Estado pode facer máis do que está a facer para garantir un mellor tratamento a determinados grupos sociais. Cinco son os eidos principais cara ós que Coalición Galega quere prestar maior atención: as familias numerosas, os pensionistas, a sanidade, a terceira idade e a mocidade. En base a estes pelares, Coalición Galega estructura as seguintes propostas:

 

 

                        Familias numerosas;

 

                       

-         Gratuidade dos libros escolares para as familias con máis de dous fillos ou con un fillo discapacitado.

-         Subvención estatal, compatible coas axudas das autonomías, de 900 euros anuais por fillo menor de 7 anos

-         Aumentar as desgravacións fiscais no tramo estatal do IRPF ás familias con máis de dous fillos.

 

Pensionistas;

 

-         Que o Goberno central que non interfira nas medidas que algunhas Comunidades Autónomas están a levar a cabo con tal de abonar complementos ás pensións non contributivas; consideramos vitais estas políticas para manter o poder adquisitivo dos beneficiarios.

-         Aumentar as pensións contributivas un 5% por riba do Salario Mínimo Interprofesional.

-         Equiparar as pensións de viuvedade coas pensións de xubilación.

-         Aumentar as pensións de orfandade para que, en ningún caso, estas sexan menores ó 70% da base das pensións contributivas.

-         Buscar fórmulas para pagar a medio prazo unha cantidade a aquelas amas de casa que teñan traballado no fogar un mínimo de 25 anos.

 

Sanidade:

 

-         No artigo 43 da Constitución:

 

                                                        -  Recoñecese o dereito á protección da saude.

- Que compete aos poderes públicos organizar e tutelar a saúde pública a traveso de medidas preventivas e das prestacións e servicios necesarios. A lei establecerá os dereitos e deberes de todos ao respecto.

- Os poderes públicos fomentaran a educación sanitaria, a educación física e o deporte. Asimesmo facilitarán a axeitada utilización do ocio.

 

SAUDE:

 

1.- Un dereito:

 

2.-Orzamentos:

2.1-Máis medios económicos para:

2.2-Máis recursos humanos.

2.3-Máis humanidade:

2.4-Menos manipulación política en :

2.5- O servicio sanitario tén un enfoque excesivamente empresarial en detrimento da calidade. Hai que primar a calidade por encima de obxectivos de puramente económicos .

2.6-Máis Investigación

3.-Promoción e prevención da saúde protexéndoa contra intereses persoais e

colectivos: corporativismos, partidismos e grupos empresariais.

4.-Recuperación da saúde do paciente, custe o que custe.

5.- Unha obriga: o bo funcionamento da sanidade require información axeitada e necesaria que se converta en formación, dirixida os pacientes e familiares.

 

                        Terceira idade:

 

- Ningunha persoa maior soa, ben en familia, con apoios, ben en Residencias. Pero non "aparcados".

-  Realizar actividades lúdicas.

- Atender segundo a "demanda social".

 

 

Mocidade:

 

-         Deduccións fiscais no IRPF polo aluguer dunha vivenda.Para eso propoñemos os seguintes baremos:

-         Rendas inferiores a 9.000 euros, 60% do aluguer

-         Rendas entre 9.000 e 15.000 euros, 40% do aluguer

-         Rendas entre 15.000 e 20.000 euros, 20% do aluguer

 

-         Compromiso de aumentar ostensiblemente a construcción de vivendas de protección oficial (VPO) destinadas a xóvenes.

-         Intensificación dos créditos do ICO para aqueles emprendedores menores de 30 anos que decidan montar o seu negocio.

-         O xoven e o mercado laboral:

o       Conexión e implicación mutua do binomio Universidade-Empresarios.

o       Formación axeitada orientada ás esixencias do mundo empresarial.

o       Facilitar que os xóvenes podan traballar na súa terra, Galicia, terra na que se formaron.

 

 

 

 

 

 

 

 

 

 

 

 

1 1 1