El patrimoñu cultural ya natural iá grande enforma; na vil.la de Tinéu paga la pena ver: la ilesia parroquial, antiguu templu conventual de San Francisco, del sieglu XIII ya el sieglu XIII ya con una formosa torre románica. La casa-palaciu de los Tinéu ya Maldonado, del sieglu XIV, ya la súa torre cilíndrica, anguano remocicada ya axeitada como casa municipal de la Cultura. El Palaciu de Merás, de 1525, na plaza central de la vil.la, con dúas torres ya un interesante patiu interior. Las muruecas del antiguu hospital de pelegrinos Mater Christi, del que se caltién lo que foi capiel.la del mesmu (sieglu XIV) ya parte de las súas murias exteriores