 |
| INDICE |
| Situación |
| Relieve |
| Orografía |
| Sistema
hidrográficu |
| Paisax |
| Clima |
| Población |
| Vivienda |
| Rasgos
económicos |
| Explotaciones
agropecuarias |
| Tornar
a la páxina principal |
|
|
|
Xeográficamente
Tinéu ta asitiáu nu centru del occidente astur.
L.lenda conu conceyu de Valdés pol norte, los de Salas,
Balmonte ya Somiedu pol leste; el de Cangas del Narcea
pol sur; ya los d'Ayande ya Vil.layón pol oeste. Tien
una superficie de 538,8 km que lu asitia como'l segundu
n'extensión del Principáu d'Asturies. Espardese sobro
duas concas fluviales: la del Narcea (al sur) y la del
Esva (al norte), siendo las sierras ya cordales de
Tinéu-Grul.lumayor ya la de Fonfaraon las que dibuxan la
l.línea d'auguas vertientes. El
relieve ía una riestra de sierras ya val.les,
inda que con dalgunas l.lanadas mesetiegas, quedando
cuasi todas dientru de la gran sierra del Rañadoiru que,
dende los montes de la divisoria astur-llionesa,
s'empobina haza'l norte, ente las concas del Navia ya'l
Narcea. El relieve tan poucu nidiu desendolca grandes
desniveles ya acusadas cuestas, de tal miente que'l 56 %
de la superficie tien una inclinación comprendida ente'l
21 ya'l 50 %, ya outro 26,7 % la tien superior al 50 %, cono
que s'amuesa la dificultá pa la l.laboría agrícola ya
la mayor vocación ya envís haza terrenos de pación ya
monte.
|
|
|
|