DEBATENDA   PROPONO   OKAZE   DE   LA   KONFERENCO  DE  LA

 ARABA LIGO

Bejruto 27an - 28-an de marto 2002

La Kunveno de la Araba Ligo, kiu oficiale renkontiĝas la 27an/28an de marto 2002 en Beiruto, asertas la araban pretecon kiu konsideras, ke la atingo de justa kaj ampleksa paco estas strategia ŝanco kaj celo por la arabaj ŝtatoj.

Post aŭskulti la raporton de la Princo Abdullah bin Abdul Aziz, en kiu li petas la establigon de normalaj rilatoj ene de ampleksa paco kun Israelo, kaj ke Israelo deklaru sian pretecon retiriĝi el la okupitaj arabaj teritorioj akorde kun la rezolucioj 242 kaj 338 de Unuiĝintaj Nacioj kaj kun la rezolucio 1397 de la Sekureca Konsilio, plivalorigitaj  post la Madrida Pac-Konferenco kaj pro la principo “Paco Kontraŭ Teritorio”, kaj la akcepto de sendependa kaj suverena Palestina Ŝtato kies ĉefurbo estu Jerusalemo, la Konsilio alvokas al la Israela Registaro revizii ĝian politikon kaj serĉi la pacon sub la deklaro ke justa paco estas ĝia strategia elekto.

La Konsilio ankaŭ alvokas al Israelo atingi jenon:

• kompletan retiriĝon el la arabaj teritorioj okupitaj ekde 1967 inkluzive de la okupitaj siriaj Golan-montaroj kaj la ankoraŭ okupitaj zonoj en la sudo de Libano ĝis la linioj de la 4-a de junio 1967.
• Akcepti trovi kaj konsenti pri justa solvo al la problemo de la palestinaj rifuĝintoj akorde kun la rezolucio 194.
• Akcepti sendependan kaj suverenan Palestinan Ŝtaton sur la Palestina teritorio okupita ekde la 4-a de junio 1967 en Gaza, Cisjordanio kaj kun Jerusalemo kiel ĉefurbo, akorde kun la rezolucio 1937 de la Sekureca Konsilio.

Reciproke, la arabaj ŝtatoj faras jenan kompromison:

• konsideri finita la arab-israelan konflikton kaj eniri en pacan disvolviĝon kun Israelo por plifirmigi tion.
• Atingi ampleksan pacon por ĉiuj ŝtatoj en la regiono.
• Establi normalajn rilatojn ene de ampleksa paco kun Israelo.

La Konsilio alvokas al la Israela Registaro kaj la la tutaj Israeloj por akcepti ĉi tiun proponon por protekti la pac-esperojn kaj eviti la sang-verŝadon kaj ankaŭ por ebligi ke la arabaj ŝtatoj kaj Israelo povu kunekzisti apude kaj por havigi al la estontaj generacioj sekuran, normaligan kaj prosperan estontecon.

Ĝi ankaŭ alvokas al la internacia komunumo kaj la ĉiuj organizoj kaj ŝtatoj subteni ĉi tiun proponon.

La Konsilio alvokas al sia prezidanto, al sia ĝenerala sekretario kaj al sia venonta komitato daŭrigi la specialajn kontaktojn rilate ĉi tiun proponon kaj por subteni ĝin ĉiunivele, inkluzive ĉe Unuiĝintaj Nacioj, Usono, Rusio, Eŭropa Unio kaj la Sekureca Konsilio de UN.