Chamamento
O desastre ecolóxico que castigou e segue castigando as costas de
Galicia, e de cuxas consecuencias aínda non podemos facernos unha idea exacta,
débese en boa parte á irresponsabilidade con que actuaron tanto o goberno
central como a Xunta de Galicia.
Sen ánimo de facer demagoxia é de tod@s coñecido o que veu acontecendo:
mentiras, ocultación de información, carencia de medios e censura informativa,
chegando ata o extremo de en pleno combate contra a maré negra os responsábeis
por coordinar as accións se ausentaron dos seus despachos oficiais para se
dedicar a actividades cinexéticas e electorais. É por iso polo que vos facemos
un chamamento para exercer a través da rede unha protesta masiva que demostre
aos responsábeis políticos a condena que nos merece súa actitude. Vos
convocamos para que os días 12 e 13 de decembro dirixades aos seguintes
enderezos presiden@xunta.es
e jmaznar@presidencia.gob.es
unha mensaxe con unha única palabra: MENTIREIROS.
Rogamos-vos que estendades esta mensaxe pola rede a tódalas persoas e institucións
que coñezades e sexan sensíbeis ante o que está a ocorrer en Galicia, para
que a protesta sexa de verdade masiva.
Carlos Sixirei Paredes
Universidade de Vigo
Muchas gracias una vez mas viguito