|
Mori–San José lleva 19 años
dedicau a la Investigación y Construcción de Gaites , inicióse
n’esta xera faciendo gaites afinaes en Do , y ye a esti tipu gaita al
que más tiempu-y dedicare , non solu pel númberu d’instrumentos
fechos sinon per les constantes igües realizaes n’estos años ,
dando-y como resultau una gaita de perbona afinación , sonoridá y
acabau .
Col enfotu de meyorar la calidá del instrumentu y tres dellos años
de investigación , Mori-San José saca’l mercau en 1992 la primera
gaita afinada en Si bemol . Esti mesmu añu y col motivu de los "Alcuentros de Bandes de Gaites Asturianes" grábase por primera
vegada en discu pieces musicales interpretaes con gaites en Si bemol
feches por Mori-San José.
Esta gaita en Si bemol tuviere
bona acoyida p’ente los
gaiteros asturianos , resultando ser un instrumentu bonu pa gaiteros
solistes y enriba tou , afayaizu pal so usu en bandes de gaites ,
meyorando notablemente la sonoridá de les mesmes. La inclusión
d’esti tipu gaita nes bandes demostrara la so eficacia nel concursu pa
bandes de gaites asturianes “Ciudad de Oviedo” de los años 1993 y
1994 en la que los tres cabezaleros puestos fueren pa les bandes:
“Villaviciosa”
, “Mieres del Camín” y
“Xaranzana”
, que yeren
les uniques que n’esi momentu usaben gaites en Si bemol y toes
trabayaes nel taller de Mori-San José .
Los siguientes años delles
bandes , grupos folk y perconocios gaiteros solistes fueren incorporando
les gaites Mori-San José a les sos respectives formaciones:
Bandes:
“Villa de Mieres” , “La Viga Travesá” , “Xana”
...
Grupos
Folk:
“Llan de Cubel” , “Folkgando” , “Felpeyu”
, “N’Arba” , “Sones Vieyos”...
Gaites feches nel taller Mori-San José , atópense güei reparties per
dixebraos llugares del mundu , dende Australia a d’algunos países
tantu d’Europa como d’América.
Anguañu Mori-San José también
fabrica gaites y flautes , afinaes en Mi bemol .
Les gaites en Mi bemol son pequeñes
y apropiaes pa neños qu’entamen
a tocar la gaita y entovía nun puedan facelo con una gaita de
mayor tamañu .
|
