Conta a lenda que hai moito tempo o califa quixo premiar a un médico da corte por salvar á súa filla dunha grave doenza. O califa díxolle ó médico que escollera o seu premio, respostando éste:

"Quero que mandes ós teus criados coller un taboleiro de xadrez e que polo primeiro cadro conten un gran de millo, polo segundo cadro o dobre do anterior, polo terceiro o dobre do anterior, e así ata que non haxa máis cadros. Pois ben, eu quero en pago por salvar á princesa o millo que lle toque ó último cadro do taboleiro."

Ó califa pareceulle razoable o premio e aceptou a petición; mandou ós seus criados que se puxeran a contar o millo, pero ...

A cousa semellaba ser ben doada: 1, 2, 4, 8, 16, ...

Máis ou menos a primeira fila do taboleiro viña a quedar así:

O que fan 128 grans de millo pola primeira fila; ben caben nunha man.

Despois de contada a segunda fila:

Supoñendo que un gran de millo ocupa aproximadamente 1 cm³, os 32768cm³ = 32'768dm³ dan para encher unha saqueta de millo, ou 32 botellas de a litro.

Despois de contada a terceira fila:

Imos ver: 8388608cm³ de millo fan 8'388608m³, aproximadamente a capacidade dunha furgoneta actual, ... e levamos tres filas do taboleiro de xadrez.

Fíxate na calculadora que ven a continuación; introducindo o número da casiña (a última é a 64), devólveche os grans de millo que lle corresponde. Por exemplo, a última da cuarta fila é a que fai o número 32, o que dá 2147483648cm³ de millo, ou 2147'483648m³, aproximadamente a capacidade dun pequeno barco.

Proba agora a saber cantos grans de millo ten que darlle o califa ó médico.

Ó cadro 64 tócanlle nada menos que

(Se a resposta que dá o programa non é igual a esta cantidade, non te preocupes; o que pasou é que se sobrepasou a capacidade de cálculo do intérprete de JavaScript, a linguaxe na que está escrito este programa.)

En todo caso, ¡¡¡¡Máis de 9 trillóns de grans de millo!!!!

¿Pero podes imaxinarte canto de grande é esta cantidade? Para que te fagas unha idea reflexiona sobre o seguinte:

• Estímase que nos nosos cerebros temos arredor de 10¹² neuronas, logo o número de grans de millo é de 2⁶³/10¹² = 9 223 372; máis de nove millóns de veces a cantidade das nosas neuronas.
• Din os cosmólogos que dende que se produciu a Gran Explosión que deu lugar ó nacemento do Universo, transcurriron xa vinte mil millóns de anos (2×10¹⁰), o que dá aproximadamente uns 2×10¹⁰×365×24×60×60 = 6'3072×10¹⁷ segundos. Pois ben o número de grans de millo é 2⁶³/6'3072×10¹⁷ = 14'62 veces a idade do Universo en segundos.