Grupos de Música de A Guarda

Comunicado da plataforma Locáis de Ensaio Xa!

A plataforma Locais de Ensaio Xa! pon en coñecemento de todolos guardeses e guardesas que a pesares da nosa reivindicaición legal polos locais de ensaio e a nosa perseverancia, no concello Guardés seguen a discriminarnos dun xeito descarado.

Aínda depois de denunciarmos por medio dun video que un grupo de musica, imos dicir “punk-rock” estaba a ensaiar de xeito irregular nun dos bloques de ensinanza do antigo colexo Manuel Rodríguez Sinde, dito grupo segue ensaiando alí causando molestias entre os veciños, especialmente aqueles que viven na rúa San Bernardo.

Estes veciños dirixíronse en ocasións á plataforma Locais de Ensaio Xa! pensando que algún dos grupos militantes era o culpable do rebumbio producido no antigo Sinde, mais ata o dia de hoxe, a ningun grupo da plataforma concedéronselle locais de ensaio.

Segundo fontes alleas á plataforma Locas de Ensaio Xa, os membros do grupo que ensaia de xeito clandestino no antigo colexo M.R. Sinde, ten total disposición das chaves das portas que dan acceso as instalacións e poden ir alí cando lles pete.

Esiximos que se nos dea unha explicación clara e concisa de porque a eles sí e a nós non… ou non será acaso porque un dos integrantes de dito grupo é fillo dun coñecido policía municipal da Guarda?

O director xeral de Xuventude e Solidariedade, Rubén Cela, entrevistouse con diferentes colectivos na Guarda

O pasado sábado 25 de febreiro, o director xeral de Xuventude e Solidariedade, Rubén Cela, acompañado polo portavoz municipal do BNG, Xan Lois Lomba, reuniuse con diferentes colectivos socio-culturais na Guarda a petición do BNG.

Rubén Cela amosouse moi interesado polas demandas da Plataforma “Locais de ensaio XA!” da necesidade de instalacións axeitadas para ensaiar os diferentes grupos que proliferan na localidade, explicando que a Dirección Xeral de Xuventude estaba a financiar unha serie de obras de acondicionamento de locais para ensaio, poñendo como exemplo os de Santiago, Betanzos e Boiro. Así mesmo puxo en coñecemento da Plataforma as políticas que se están a levar dende Xuventude a prol dos grupos do país en materia de promoción e distribución do seu material discográfico.

Por outra banda, reuniuse coa asociación Friends Music e San Xerome que están a preparar unha serie de actividades para a celebración do 25 aniversario do Centro San Xerome. O director Xeral, Rubén Cela, transmitiu a súa satisfacción e apoio ao colectivo polo programa de eventos que inclúe a celebración dun festival sobre a integración, que se celebrará na Guarda en agosto; dentro do programa de actuacións inclúese un campamento de verán de integración sobre o monte Santa Trega xestionado dende Vicepresidencia.

Información sacada del diario www.galicia-suroeste.com