Asociación os Sendeiros

A Asociación Os Sendeiros de Foz remóntase ao ano 1998, e foi con motivo da xuntanza de varios amantes do camiñar. Eles pensaron que sería unha boa ida promover de cando en cando unha excursión para fomentar o espíritu do sendeirismo en Foz.

No ano 2004, no mes de Setembro, varios amigos decidimos xuntarnos para darlle un xiro renovador e legaliza-la en todolos estamentos oficiáis, promover a captación de socios, facela máis grande e xuntar a todos/as os amantes do Sendeirismo. Ojallá a sua andadura sexa longa no tempo, e chea de exítos.

O Club Os Sendeiros inicia unha nova etapa coa finalidade de fomentar o interese pola ecoloxía, o medio ambiente, o respeto e coidado da natureza.

Se che gusta a vida sá e disfrutar das paisaxes que nos rodean, convidámoste a que participes con nós a recorrelas,

ÚNETE AO GRUPO

¿CÓMO APUNTARSE ÁS RUTAS?

Moi facil, só con acudir á CASA DA CULTURA de Foz, dando o nome completo e teléfono .O prezo da ruta págase no autobús. Como socio/a hai certas vantaxes, polo tanto, é moi importante presentar o carné acreditativo de socio.

¿CÓMO RECIBIR INFORMACIÓN DAS RUTAS?

Para máis información sobre as rutas, contactar co ÁS DE GUÍA ó teléfono 605 88 50 09

MATERIAL QUE PODEN ADQUIRIR OS SOCIOS A UN PREZO SIMBÓLICO

CHUVASQUEIRO 5 €

TRAXE AUGA 10 €

GORRAS 2 €

CAMISETAS 3 €

Se desexas que che enviemos información, avisos, etc por correo electrónico, envíanos un e-mail e facilítanos o enderezo.

*CALENDARIO DE RUTAS PARA 2009*
21 de Xuño	Encontro de Sendeirismo en Navia
29 de Xuño	Encontro de Sendeirismo en Burela
12 de Xullo	Illa de Ons (Pontevedra) Información
23 de Agosto	Ruta do Camiño Real (Ourense) Información
26 de Setembro	III ENCONTRO DE SENDEIRISMO (FOZ) Información
25 de Outubro	Ruta da Auga (Guitiriz) Información
15 de Novembro	Ruta Tres Bispos (Becerreá) Información
13 de Decembro	Ruta das Algas (Ortigueira) Información
*Para calquera información chamar ós teléfonos: 605 88 50 09 - 686 26 51 54*

*REGULAMENTO DAS SAÍDAS:* A saída é sempre dende a Casa do Concello de Foz As inscripcións faranse ata o venres A cuota pagaráse no autobús Nas saídas do grupo, todos saímos e chegamos xuntos, naide agás co permiso da guía, poderá tomar outra ruta que non esté no programa establecido nin abandonar o grupo. Neste grupo hai un equipo que traballa para que todos disfrutedes da ruta. Colabora tí tamén *NOTAS IMPORTANTES:* Tódalas actividades deste calendario poden estar suxeitas a modificación ou anulación, si causas de forza maior así o aconsellan, do cal avisaríase con suficiente antelación. As características de tódalas actividades a realizar (hora de saída, duración aproximada e dureza) serán comunicadas no andadeiro do mes que se collocarán nos lugares de costume, atención ós mesmos. Aconséllase equipo básico de sendeirismo. *HORARIO:* É moi difícil asignar un horario xusta para cada percorrido. Este variará en función das facultades físicas e entrenamento de cada un. O horario de unha ruta refírese a tempos medios aproximados a persoal experimentado, o cal sempre leva endadido un tempo estimado de paradas. A secretaría da asociación estará aberta tódolos mercores de 19:30 a 20:30 h

¿CÓMO FACERSE SOCIO?

Por correo electrónico ó E-mail: ossendeiros@yahoo.es
Por correo ordinario ó seguinte enderezo:

Asociación Os Sendeiros

Avda. da Ribeira, nº 1 Centro Social

27780 Foz (Lugo)

Baixa o impreso en formato PDF, e envíao cuberto: IMPRESO PDF

Acudindo a CASA DA CULTURA de Foz onde facilitarán o impreso de alta, que unha vez cumprimentado debidamente e asinado, pódese entregar alí ou enviar por correo.

SENDEIRISMO, CONSELLOS BÁSICOS

Procura non ir só e deixa dito donde vas.
Planifica a túa excursión cun mapa e fai cálculos realistas en canto ó horario. Non te sobreestimes; sempre é mellor quedarse por debaixo das nosas forzas.
Mira o parte meteorolóxico, pero aínda que sexa moi favorable, non esquezas que na montaña son moi frecuentes os cambios de tempo bruscos.
Leva un móbil e recorda o número de emerxencias 112.
Leva sempre equipo axeitado: No verán, non esquezas un gorro, gafas de sol e protección solar. En inverno, abundante roupa de abrigo, preferentemente por capas. En tódalas épocas, leva algo para a choiva e un calzado axeitado para a montaña.
Nunca esquezas a auga e a comida. Non te fíes de atopar unha fonte no camiño. É moi útil levar alimentos enerxéticos (barriñas de cereais con mel, froitos secos, chocolate...) a parte do que leves para a hora do xantar.
Deixa a montaña como che gusta encontrala e leva o teu lixo. O material orgánico (peles da froita...) tamén contamina visualmente (non nos gusta chegar a un sitio con desperdicios). Non collas nada, quizáis non o saibas e estés levando unha especia (vexetal) en perigo de extinción.

FOTOS DAS RUTAS REALIZADAS

Albúm de Fotos