raiceiros.org WEB DA ASOCIACIÓN XUVENIL RAICEIROS

  Buscar nesta web:

 

Quén somos

Qué facemos

Ónde estamos

Escríbanos

Proxectos

Museo Virtual

Non deixe de ler...

Novas

Escoite o son da requinta

Asine no libro de visitas

Esta web

Outras webs

 (c) Asociación Xuvenil Raiceiros 2003. Web creada en maio de 2002  

Web subvencionada por:

¿Que facemos?

Desde Raiceiros buscámo-la permanencia no tempo do noso patrimonio cultural, para uso e goce das xeracións presentes e futuras, respectando a especificidade de cada ben -as formas de expresión , a tradición oral, a música, o baile, a indumentaria, a gastronomía, a artesanía-, así como a súa significación e os seus valores como obxecto, documento e significado da nosa sociedade. Organizamos actividades para que a mocidade adquira conciencia da importancia que ten calquera manifestación da tradición do seu pobo, do sentido que estas tradicións lle confiren ó seu pasado, de cómo o condicionou e de cómo condicionan o seu futuro. Consideramos que é preciso que nos sintamos orgullosos do propio, respectémo-lo alleo e ó tempo, coñezámo-lo enriquecedor do intercambio cultural entre pobos. Pretendemos motiva-lo desenvolvemento dunha conciencia social para favorece-la conservación e defensa do noso patrimonio cultural. Para iso, a recuperación, o mantemento, a promoción e a renovación da nosa cultura popular son elementos esenciais desta particular travesía. Un dos proxectos que mellor reflicten a filosofía de actuación de Raiceiros diríxese cara á creación dun centro de recursos, co fin de servir de apoio para as persoas que teñen interese no duro pero necesario traballo de recolleita de campo, dotándose para iso do material necesario e facilitándollo ós seus membros e colaboradores. Actualmente a nosa actividade céntrase na parte de difusión do Proxecto de "Recuperación da Requinta da Ulla", unha iniciativa de grupo subvencionada polo "Programa de acción comunitaria Xuventude" da Comunidade Europea. Está orientado á recuperación, difusión e valorización deste instrumento característico da comarca natural galega do mesmo nome. Paralelamente trabállase na publicación dunha guía sobre o Val do Ulla, da que se agarda que poida estar rematada para o ano 2004.

Concerto con requinta en febreiro de 2002 (c) H. Neira

Presentación do proxecto de recuperación da requinta en febreiro de 2002. Á esquerda, tres requinteiros: Pepe e Marcelino, os históricos, e Paco, a nova xeración. Gaitas: Héctor (esquerda) e Xerardo. Tambor Emilio e bombo Iván (c) H. Neira 2002