          |
Cántigas da Ulla Teño un amor na montaña, Raiceiros está a desenvolver na actualidade o proxecto 'Cántigas da Ulla', que inclúe a recollida de coplas e outras cancións da tradición oral da xente da Ulla, co obxectivo de difundilas despois a través dunha publicación. A imaxe baixo estas liñas é da sesión de recollida desenvolvida o 13 de maio no Centro da Terceira Idade de Vedra.
© raiceiros 2009 Colaboración coa Festa do Viño da Ulla Raiceiros, como fai desde hai anos, colaborou na edición do 2009 da Festa do Viño da Ulla achegando un artigo que se pode ler aqui: http://www.festadovinodaulla.com/?q=gl/node/307 Raiceiros, no encontro EMAX en Santiago Raiceiros asistiu os días 7 e 8 de febreiro de 2009 ó III Encontro-Mostra Asociativa Xuvenil (EMAX) de Galicia e Norte de Portugal, organizado pola Dirección Xeral de Xuventude e Solidariedade da Xunta de Galicia. A sede é o pavillón Multiúsos Fontes do Sar en Santiago. Raiceiros comparte un posto coa Asociación Cultural San Campio de San Miguel de Sarandón (Vedra).
© raiceiros 2009 A mostra sobre Gundián, en Vedra e A Estrada En colaboración co Concello de Vedra, Raiceiros levou a San Miguel de Sarandón o 5 de abril do 2009 a mostra sobre os 50 anos da ponte de Gundián, coincidindo coa celebración da Festa do Viño da Ulla. Posteriormente levouse ó Colexio de Oca (A Estrada), onde rapazas e rapaces puideron coñecer con detalle a riqueza cultural do contorno do Gundián, e iniciarán proximamente un proxecto de recuperación de lendas. Tanto a publicación vencellada a esta mostra, 'Gundián. Un achegamento a unha paisaxe natural e humana' como a anterior publicación de Raiceiros, a guía 'O Val do Ulla. Unha comarca natural' poden mercarse en: - A Estrada: librerías Faro e Alberte Quiñoi - Santiago: librerías Couceiro, Follas Novas e Gallaecia Liber - Teo: librería O Trasno Viaxeiro, de Cacheiras - Vedra: na antiga reitoral da Ponte Ulla, sede da Asociación de Veciños 'Virxe de Gundián'
© manuel vilas 08 |
