Vieiros
Toda a información de Galicia e do resto do mundo.
LINGUAS DE EUROPA
A riqueza lingüística da humanidade é un ben a compartir
Benvido, aquí poderás atopar información sobre a situación das linguas de Europa, en especial das minorizadas, isto é aquelas que non son empregadas de xeito normal no seu territorio lingüístico.
Por suposto, non cremos que as linguas europeas sexan mellores que as de calquera outro lugar, simplemente está fóra da nosa capacidade a cobertura de todas as linguas do mundo, pero cada unha delas representa unha riqueza para toda a humanidade, e a perda de calquera idioma supón o empobrecemento do noso planeta.
O sitio está en proceso de elaboración, polo que a túa axuda é fundamental. Non te cortes, envíanos críticas furibundas ou dános ideas para mellorar o sitio. Non desbotamos traducir o sitio a outras linguas, pero para iso será fundamental a túa colaboración, en especial quereriamos traducir a información de cada lingua ao seu idioma, se podes axudarnos escríbenos.
Polo de agora son poucas as linguas que están dispoñibles, aínda nunha redacción provisoria, agardamos mellorala coas túas críticas.
